Ég hef gefist upp...

nýtt...

http://roslaug.bloggar.is

Úff, þá erum við komin aftur heim í Gnoðarvoginn eftir aldeilis viðburðarríka helgi!  Skruppum sumsé upp í Borgarfjörð í sparisjóðsbústaðinn á laugardaginn og ætluðum að vera þar út þessa viku.  Grétar ætlaði að háþrýstiþvo bústaðinn fyrir fyrirhugað málerí þar og svo ætluðum við bara að liggja í leti og soðna í fína pottinum sem er á pallinum...jú og grilla á nýja grillinu sem er þarna. 

Komum seinnipart á laugardaginn þangað og um leið og við rennum í hlað, spyr ég Grétar hvort að hann hafi tekið kjúklingabringurnar, hamborgarana, humarinn...úr frysti!  Ö, nei, gerðir þú það ekki heldur?    Frábært!!! Góð byrjun á ferðinni...gleymdum öllum matnum heima. 

Næsta morgun vöknum við með sólina í augunum, frábært veður og fínasti hiti á pallinum.  Ég sé að áin er algjörlega vatnslaus og varð auðvitað að kanna það nánar, því ekki er langt síðan við vorum þarna uppfrá og Auðunn Gunnar tók veðmáli við bræður sína um að sitja í kafi í ískaldri ánni í eina mínútu!  Allavega, ég fer þarna út á hraunið (sem yfirleitt er undir vatni) og stend þarna að skoða, svo kallar Grétar á mig og ég ætla að stíga niður af einni syllu á aðra, misstíg ég mig svo hrikalega að það smellur í fætinum á mér og ég skell beint á hnén...þetta gerðist svo snöggt að ég var ekki alveg viss um hvað hefði eiginlega gerst   Nema hvað að stingandi sársauki er í fætinum, og vill auðvitað svo skemmtilega til að þetta er akkurat fóturinn sem ég var fótbrotin á (ath ég fótbrotnaði ekki heldur var fótbrotin)

Eftir smá stund tekst mér að standa upp og staulast upp á pall, gat allavega stigið í fótinn svo að ég hafði greinilega ekki brotið hann...sjúff   En við ákveðum nú samt að fara í Borgarnes og láta kíkja á fótinn þar sem hann bólgnaði nú svolítið upp og afþví að þetta var þessi fótur.  Svo þurftum við hvort sem er að fara í búð þar sem allur maturinn varð eftir heima í frysti!!! 

Það var tekin röntgen, og jú ekkert brot, en læknirinn hafði nú samt áhyggjur af þessum tveimur nöglum sem eru enn þarna inni síðan brotið í fætinum á mér var neglt saman...

...og svo var sett gifs!!! Frábært, þar með var potturinn afskrifaður, og ekki nóg með það heldur á heilsugæslan í Borgarnesi engar hækjur og því mátti ég hoppa um á "einari" þar til ég fengi tíma hjá mínum heimilislækni sem átti á úrskurða um það hvort að þessir naglar hefðu nokkuð hreyfst...og sá læknatími er á morgun! 

Það þarf ekki að spyrja að því að ég auðvitað úrskurðaði sjálfa mig bara tognaða og reif sjálf af mér gifsið í gærkvöldi til að komast í pottinn og er farin að stíga líka í fótinn þar sem ég er komin með harðsperrur af öllu þessu hoppi! 

Læt vita hvort að greining mín er röng og ef fóturinn verður tekinn af mér á morgun þegar ég fer að hitta heimilislækninn!

Jæja þangað til næst...

 

Æ Æ Ó Ó aumingja ég...

Ég er alveg í hrikalegri krísu þessa dagana   Ég stefni að því að vera í fullum skóla í haust, og það verður hann Grétar líka sem er nú bara ekkert nema gott ef við ætlum að klára eitthverntíman þetta nám sem við erum í...en það er einn hængur á...hvað á að gera við barnið á meðan við erum í skólanum?!?  Hvernig getur nokkur maður með góðri samvisku skilið þennan engil eftir hjá einhverjum ókunnugum, einhverri dagmömmu, í einhverja klukkutíma á dag?

Ég hef unnið lengi á leikskóla og verið í því að aðlaga ný börn og aldrei skilið vitleysuna í foreldrum sem eiga erfitt með að skilja börnin sín eftir í einhvern tíma...en það er einhvernveginn annað ég meina...Hann er svo lítill!!!  Hann á ekki að þurfa að fara í pössun eitthvert strax!!!  Maður á að vera í fæðingarorlofi allavega í ár og eyða þessu fyrsta ári barnsins með því...ekki frá því!  Ég get alveg farið að grenja bara við tilhugsunina að setja hann til dagmömmu   Væri einhvernvegin mikið meira til í að setja hann á leikskóla...en það er nú ekkert að fara að gerast strax!!!

ohhh...stundum þoooooli ég ekki Reykjavík! 

Hvað er málið með karlmenn og svarta sokka?

Um daginn tók ég mig til, fór í gula gúmmíhanska, sturtaði úr óhreinatauskörfunni og veiddi þar úr alla svarta sokka sem ég fann!  Já, ég tók sko enga sénsa á að fá einhverjar banvænar bakteríur á mig af storknuðum táfýlusokkum sem höfðu legið á botninum á þvottakörfunni í...Guð má vita hvað langan tíma!!!   Hér má sjá afraksturinn (eða hluta af honum)...eftir að búið var að sjóða sokkana í þvottarvélinni í 5 klukkutíma eða svona hér um bil... 

Úr þessum aðgerðum komu hvorki meira né minna en 31 par af svörtum sokkum!!!   Já, nú á hann Grétar minn eitt par fyrir hvern dag mánaðarins...og gott betur en það.  En við erum núna búin að ræða það hvernig á að ganga frá sokkunum sínum til að fá þá þvegna, og svei mér þá ef hann fer ekki bara eftir því núna  svo að ég sé ekki fram á að lenda aftur í svona sokka-martröð! sjúff...

Jæja þangað til næst..

Já sko..hvað er að gerast...

Loksins er prófið búði og ég því formlega komin í sumarfrí   vííí æm sóóó heppííí

Gekk alveg skítsæmilega á þessu prófi, gat skrifað allavega fullt við allar spurningarnar, nú svo er bara spurning hvort að ég skrifaði eitthvað af viti   það kemur í ljós eftir ca 4 vikur sjáum hvað verður...

Annars er nú lítið að frétta.  Bara búið að vera að læra fyrir próf síðustu daga, afrekuðum það reyndar að fara upp í Grafarvog í heimsókn í nýju íbúðina hjá Dagnýju, Snorra og Amalíu Rún.  Loksins og þó fyrr hefði verið segi ég nú bara...og svo fórum við og grilluðum hamborgara með hinu Grafarvogs genginu þarna eitt kvöldið þannig að ferðir okkar síðustu daga hafa eiginlega bara verið þarna uppeftir...sem er líka bara gaman

Svo er bíllinn okkar kominn úr viðgerð, nýsprautaður og fínn...veit varla hvort að ég þori að vera að gleðjast mikið yfir því.  Síðast þegar ég gerði það þá var keyrt á hann viku seinna!!!  

Eitt hérna...ég er nú doltið mikið á barnaland.is (surprise surprise) og á það til endrum og eins þegar ég er ekki að uppfæra síðuna hans Daða Snæs eða kíkja á önnur börn sem ég þekki, að tékka stundum á umræðunni þarna.  Þar var verið að biðja fólk að segja hvaða barnalandssíður því þætti flottastar...það þarf nú ekki að spyrja að því að allir settu auðvitað link að síðunni hjá sínu barni   hissa? ég veit... 

En þar var ein sem á barn sem bar eftirnafnið Ösp.  Einhver góðhjörtuð kona sem skoðaði síðuna benti móðurinni(sem var nú ekki mjög gömul) á að nafn barnsins á forsíðunni væri vitlaust fallbeygt, það stóð velkomin í heimsókn til Jónu Ösp (man ekki fyrra nafnið svo að ég segi bara Jóna) en eins og vel menntaðir Íslendingar vitum við að það á að segja Jónu Aspar!  Henni var vinsamlega bent á þessa villu...nei heyrðu þá er mín bara búin að ákveða að það á ekki að fallbeygja seinna nafnið á barninu hennar!!! Hún VILL ekki að það sé fallbeygt því henni finnst það ljótt!   Ég hef bara sjaldan vitað annað eins, og vissi bara ekki að maður mætti bara ákveða svona hluti sjálfur!

og eitt annað...ég þooooooli ekki þegar fólk er með heimasíður fyrir börnin sín og gerir endalaust af sdafssetníngarviddlum *hrollur* það er bara svo kjánalegt eitthvað innsláttarvillur eru þó fyrirgefanlegar  

Já gott fólk það er ýmislegt skrýtið í kýrhausnum

Jæja þangað til næst...

GLEÐILEGT SUMAR

Jájá nú er klukkan að verða korter í átta á sumardeginum fyrsta og ég er búin að vera vakandi í klukkutíma nú þegar...er með svona helv..öfluga lifandi vekjaraklukku hérna!

En þetta er nú svona aldeilis fínn dagur, algjörlega heiðskýrt og sól...alvöru sumarveður, fyrir utan hitastigið, en mér sýnist á kröpuðum bílunum fyrir utan að sé enginn gífurlegur hiti...ennþá allavega!

En við Kallý erum búnar með ritgerðina okkar og henni verður skilað í dag og svo ætlum við að bruna upp í Borgarfjörð í bústað og eyða þar svona eins og 2-3 dögum.  Aumingja Hafþór er að koma í bæinn á eftir og verður í gistingu hérna...aaaaaaleinn! En hann er nú svo stór strákur að hann ætti að bjarga sér...Skeifan hérna hinumegin við trén er full af mat, nú og svo þarf hann ekki að sofa á sófanum þar sem við verðum ekki heima, þannig að hann er glaður með það

Jæja þangað til næst...

Jájá farin vestur og komin aftur...búin að vera búin brjálæðislega dugleg í blogginu eins og sjá má!

Hef svosem ekki mikið að skrifa um...lítið að gerast hjá manni þessa dagana, styttist í próf. Jájá ég sagði próf, í eintölu, þar sem ég tek bara eitt próf núna í byrjun maí!  Það hefur nú bara aldrei gerst að ég þurfi bara að taka eitt próf...held samt að það verði ekkert til þess að ég verði duglegri að læra undir þetta eina próf   tekur því ekki úr þessu að vera að temja sér eitthvað nýtt í prófundirbúningi

en allavega...lítið að gerast og lítið að frétta...

Eitt sem ég verð samt að fá að pirrast úraf hérna...og það er þetta fjan...fýluvatn hérna í borginni.  Hvað er málið!!! Það er ekki hægt að fara í sturtu heima hjá sér án þess að öll íbúðin angi eins og einhver hafi setið á klósettinu með píppandi allan daginn eða þá að einhver hafi verið að sjóða egg eins og vitleysingur...þvílík lykt  

Er að spá í að fara að vinna í því að setja á fót risastóra virkjun sem flytur tæra góða vestfirska töfravatnið hingað suður   þá verður allt strax muuuuuun betra hérna

Jæja þangað til næst...

Jeij...ekki á morgun heldur hinn fer ég héðan úr þessari borg og áleiðis vestur í sæluna og fjallaloftið!

Ætlum að leggja af stað á föstudaginn en koma við upp í bústað og vera þar eina nótt, keyra svo alla leið vestur á laugardeginum...ég hlakka svooooooo til!   get ekki beðið...

Er meira að segja að spá í að hringja í Ametyst og panta mér tíma í klippingu á mánudaginn...maður verður nú að vera fínn og flottur fyrir vestan, ekki hægt að vera að koma og hitta alla og vera svo bara útlítandi eins og hellisbúi, það gengur nú ekki

Jæja ætla að fara og éta súkkulaðiostakökuna sem ég var að kaupa...við Daði Snær fórum í göngutúr áðan í þessu frábæra veðri og löbbuðum meðal annars upp í kringlu...og ég þurfti auðvitað að verðlauna okkur fyrir þennan góða göngutúr með því að kaupa svona köku til að éta þegar heim væri komið!   Ég eeeeeeer bara svo góð...við mig!!!

Þangað til næst...

Já ég fór að spá í það hvort að maður væri svona one of a kind manneskja...það er sko margt sérkennilegt við mann...furðulegar venjur og sérviskur...

- Ég t.d. er búin að tína allar grænu klemmurnar úr þvottaklemmukörfunni og er bara með grænar þvottaklemmur hérna uppi í íbúð á litlu þvottagrindinni...

-Ég hengi alltaf þvottinn upp með samstæðum klemmum, aldrei t.d. gula og rauða klemmu saman á eina flík! 

-Alltaf þegar ég hækka í útvarpinu í bílnum hækka ég í sléttum tölum, að tölunni 5 undanskyldri!  Þannig að styrkurinn er 2, 4, 5, 6, 8, 10...

jiminn, ég fer að hallast að því að ég sé alveg kolklikkuð manneskja!

en samt örugglega ekki sú eina

Jæja þangað til næst...

Eins og sést hér til hliðar er komin skoðanakönnun...

Grétar fékk að fara inn á stjórnborðið og búa til eina könnun og setja hérna á síðuna!   Endilega taka þátt...

Þangað til næst...

Jesús, María og Jósep...

Ég held að ég hafi sett íslandsmet í inntöku kaloría í gær!   Ofbauð sjálfri mér í gærkvöldi þegar ég fór að hugsa til baka hvað ég hefði sett ofaní mig yfir daginn!  Djúpsteiktar rækjur, brauð með roast beef, remolaði og steiktum lauk, tvö snikkers og eitt mars súkkulaði stykki!   og endaði svo daginn á að háma í mig örbylgjupopp og pepsi max...jújú maður klikkar ekki á því að drekka sykurlaust, alltaf í hollustunni!  

Ég vil halda því fram að þessi fíkn í óhollt og fitandi sé tilkomin af því að barnið er að drekka mig upp...er orðin léttari en áður en ég varð ólétt og því hlýtur þetta bara að vera líkamanum sjálfum að kenna...hann vill þetta!   Góð kenning!

Jæja best að fara að gera eitthvað, ætla að standa aðeins útí glugga og spá í það hvort að ég hætti mér út með barnið í göngutúr.  Ekki veitir af eftir gærdaginn...

Þangað til næst...

Hvernig í ósköpunum fer maður eiginlega í svona bindi-buxur!?!   Ég á svona víðar buxur sem maður reimar utan um sig...og ég bara skil ómögulega hvernig þær eiga að vera   Ef einhver þarna úti getur leiðbeint...endilega látið vita af ykkur því þetta er augljóslega vandamál sem verður nauðsynlega að leysast!

snjór snjór snjór...ekki mikið um svoleiðis hérna í borginni. Hér er aðallega bítandi kuldi...án snjós!   Ég skil ekki fólk sem þolir ekki snjó.  Mér finnst svo mikil stemning í snjó.  Allir fastir, að klofa snjó upp í mitti, kveikja á kertum og kúra undir teppi...í rafmagnsleysi!   Svo að skella sér á skíði og renna sér á sleða eða þoturassi rjóður í kinnum.  Þegar maður var unglingur var maður alltaf eins og karfi í framan í fyrstu en svo þegar líða tók á og vorið nálgaðist var maður svartur í framan...bara í framan, það sást alltaf á fólki ef það stundaði skíðaíþrótt, þá var það skjannahvítt með svart andlit...og jafnvel með far eftir skíðagleraugun!

...ahhh ég hlakka til að fara vestur um páskana, og ég vona að það verði snjór...en gott veður, sól helst...eins og sönn skíðavika á Ísafirði á að vera. 

Jæja nóg komið af snjópælingum í bili...ætla að fara og fá mér snikkers sem bíður eftir að vera étið þarna frammi. 

Þangað til næst... 

Jájá þá er enn ein helgin búin.  Árshátíð skólans búin...rosa gaman og ég var auðvitað í nýju flottu skónum mínum...

...þeir eru algjört æði pæði

Þurfti reyndar að vera í sokkabuxum líka þar sem ég er öll lemstruð á fótleggjunum eftir svefnherbergis-máleríið   en það er allt í lagi...ég átti auðvitað sokkabuxur í stíl!

Stína kom og smellti meiköppi á mig...og gerði það alveg snilldar vel verð ég að segja...þannig að ef ykkur vantar meiköpp bara að bjalla í hana og hún lætur ykkur líta út eins og fegurðardísir enda búin að vera á námskeiðum að læra þetta, ekki leiðinlegt að þekkja eina svoleiðis   Vá, ég ætti að taka eitthvað fyrir þessa auglýsinu hérna...enda svo sérlega vinsæl síða hjá mér!

Allavega...svo var skírn hjá litlu frænkunni á sunnudeginum. Nú heitir hún Kristín Salka þar var auðvitað hámað í sig kökur og fínerí...örugglega nokkur grömm sem settust þar á mann, en það er allt í lagi.  Mér finnst það vera algjörlega þess virði að fá á sig nokkur grömm fyrir eitthvað sem smakkast svona vel!

Jæja ætla að fara og dást aðeins af fallega sofandi stráknum mínum og sofna svo yfir dvd inní rúmi...

Þangað til næst...

Fór í gær með Gullu, Tobbu og Auði Ester í Smáralindina á konukvöld   Það var ótrúlega gaman...tískusýningar með konum af öllum stærðum og gerðum, alkóhól í hverri verslun ásamt súkkulaðigosbrunnum úr sjónvarpsmarkaðnum og ýmsu lífrænt-ræktuðu-jukki til að smakka!

Þegar við vorum á leið niður rúllustigann tókum við Tobba eftir þessum líka svaðalegu gæjum sem voru þarna í veiðihug á konukvöldi!  Ýmindið ykkur draumaprinsinn...takið af honum dágóðan slatta af hári, bætið á hann ýstru á við konu á 8 mánuði meðgöngu, krumpið hann saman og setjið á hann andlit sem aðeins móðir gæti elskað...þá erum við að tala saman!   Þarna rigsuðu þeir um eins og kóngar...vaðandi fullri Smáralindinni af kvenfólki með þetta líka veiðilúkk á sér...*hrollur* 

Svo virtust þeir vera alltsstaðar þar sem við vorum. Voru allt í einu komnir við hliðina á okkur að horfa á tískusýninguna sem fram fór þarna á ganginum... tilviljun...?

Mér tókst að eyða smá pening þarna og setja þar með lokapunktinn á árshátíðardressið fyrir annað kvöld, þar sem maður er að fara með skólanum á djammerí!   Lét það eftir mér að kaupa killer-flotta skó   Verð að taka mynd af mér í þeim á morgun og sýna ykkur...þurfti reynar að fara með þá áðan aftur í Smáralindina og fá þá í númeri stærri, tók þá í 36 og hélt að ég kæmist upp með það eeeeen...þegar ég var búin að labba á þeim hérna heima í smá tíma sá ég að þeir voru eiginlega í þrengra lagi. 

Þannig að ég bara fékk Grétar með mér í smá skóskiptileiðangur áðan og hver haldiði ekki að hafi verið þar í Smáralindinni að spóka sig?  Jújú mikið rétt, annar "folinn" frá því í gærkvöldi   og hvað...hann gekk frammhjá okkur þar sem við vorum að fá lánaða kerru undir Daða Snæ og starði næstum því gat á rassinn á buxunum mínum á leið sinni frammhjá okkur! *hrollur*  og var lítið að kippa sér upp við það að Grétar stæði þarna hjá mér með einkennilegt augnaráð að fylgjast með honum við þetta gláperí...mér fannst ég pínulítið misnotuð þegar Grétar sagði mér frá þessu

Jájá þannig var nú það...það er ekki öll vitleysan eins

Ætla að fara og fá mér fegrunarblund svo að ég verði alveg extra sæt á árshátíðinni á morgun

Þangað til næst...